-ଖରାଦିନ ଆସିଲେ ଏସି (AC) ର ବିଲ୍ ସମସ୍ତଙ୍କ ନିଦ ହଜାଇ ଦିଏ। ଆରାମରେ ଶୋଇବା ପାଇଁ ଲୋକେ ରାତିସାରା ଏସି ଚଲାନ୍ତି, କିନ୍ତୁ ମାସ ଶେଷକୁ ଇଲେକ୍ଟ୍ରିସିଟି ବିଲ୍ ଦେଖିଲେ ହୋସ୍ ଉଡିଯାଏ। କିନ୍ତୁ ଆପଣ ଜାଣନ୍ତି କି, କେବଳ ଗୋଟିଏ ସାଧାରଣ ନିୟମ ମାନିଲେ ଆପଣ ରାତିସାରା AC ଚଲାଇ ମଧ୍ୟ ନିଜ ବିଲ୍ କୁ ବହୁତ କମ୍ କରିପାରିବେ? ଆସନ୍ତୁ ଜାଣିବା କେନ୍ଦ୍ର ସରକାରଙ୍କ ସେହି ଖାସ୍ ନିୟମ ବିଷୟରେ।
ମ୍ୟାଜିକ୍ ନମ୍ବର ‘୨୪’
ଅଧିକାଂଶ ଲୋକ ରୁମ୍ ଶୀଘ୍ର ଥଣ୍ଡା କରିବା ଚକ୍କରରେ ଏସିକୁ ୧୬ କିମ୍ବା ୧୮ ଡିଗ୍ରୀରେ ସେଟ୍ କରିଥାନ୍ତି। କିନ୍ତୁ ଭାରତ ସରକାରଙ୍କ ‘ବ୍ୟୁରୋ ଅଫ୍ ଏନର୍ଜି ଏଫିସିଏନ୍ସି’ (BEE) ର ଗାଇଡଲାଇନ୍ ଅନୁଯାୟୀ, ମଣିଷ ଶରୀର ପାଇଁ ସବୁଠାରୁ ଆଦର୍ଶ ତାପମାତ୍ରା ହେଉଛି ୨୪ ଡିଗ୍ରୀ ସେଲସିୟସ୍। ଏହା କେବଳ ଆପଣଙ୍କ ସ୍ୱାସ୍ଥ୍ୟ ପାଇଁ ଭଲ ନୁହେଁ, ବରଂ ଏହା ବିଦ୍ୟୁତ୍ ସଞ୍ଚୟର ଏକ ବଡ଼ ମୂଳମନ୍ତ୍ର ଅଟେ।
କିପରି ହୁଏ ଏହି ମ୍ୟାଜିକ୍?
ବିଶେଷଜ୍ଞଙ୍କ ମତରେ, ଆପଣ ଏସିର ତାପମାତ୍ରା ଯେତିକି କମ୍ ରଖିବେ, ମେସିନର କମ୍ପ୍ରେସର ଉପରେ ସେତିକି ଅଧିକ ଲୋଡ୍ ପଡ଼ିବ ଏବଂ ଅଧିକ କରେଣ୍ଟ ଖର୍ଚ୍ଚ ହେବ। ହିସାବ କହୁଛି, ଆପଣ ପ୍ରତି ଗୋଟିଏ ଡିଗ୍ରୀ ତାପମାତ୍ରା ବଢ଼ାଇଲେ ପ୍ରାୟ ୬ ପ୍ରତିଶତ ପର୍ଯ୍ୟନ୍ତ ବିଦ୍ୟୁତ୍ ବଞ୍ଚାଇ ପାରିବେ। ଅର୍ଥାତ୍ ୧୮ ବଦଳରେ ୨୪ ଡିଗ୍ରୀରେ ସେଟ୍ କଲେ, ଆପଣ ମାସିକ ବିଲ୍ରେ ସିଧାସଳଖ ୨୫ ରୁ ୩୦ ପ୍ରତିଶତ ପର୍ଯ୍ୟନ୍ତ ସଞ୍ଚୟ କରିବେ।
ଏକ ଛୋଟ ଟିପ୍ସ:
ଯଦି ଆପଣଙ୍କୁ ୨୪ ଡିଗ୍ରୀରେ ଗରମ ଲାଗୁଛି, ତେବେ ୨୪ ଡିଗ୍ରୀରେ ଏସି ଚଲାଇବା ସହ ସିଲିଂ ଫ୍ୟାନ୍ କୁ ଧୀର ସ୍ପିଡ୍ (୧ କିମ୍ବା ୨ ନମ୍ବର) ରେ ଚଲାନ୍ତୁ। ଏହାଦ୍ୱାରା ରୁମ୍ ର କୋଣ ଅନୁକୋଣ ସମାନ ଭାବରେ ଆଉ ଶୀଘ୍ର ଥଣ୍ଡା ରହିବ। ଆଜି ହିଁ ନିଜ ରିମୋଟ୍ ଉଠାନ୍ତୁ, ତାପମାତ୍ରାକୁ ୨୪ ରେ ଲକ୍ କରନ୍ତୁ ଏବଂ ନିଶ୍ଚିନ୍ତରେ ଶୁଅନ୍ତୁ!
